Wednesday, October 30, 2013

‘‘රිකට්‘‘ එකේ වැදුන ‘‘ඕ බොල්‘‘ හෙවත් ජෙමාගේ කිරිකැට් ගැහිල්ල....

ජෙමා බ්ලොග පටන් ගත් දා පටන් ඔය හෙන ඒව්වා ලිව්වාට ජෙනරල් ලයිප් එකේ එව්වා මෙව්වා එකක් ලිව්වේ නැති එක ගැන ජෙමාගේ බ්ලොග කියවන්නෝ පහුගිය දිනක චෝදනා කළෙන්, අද පටන් හැකි සෑම විටකම ජෙමාගේ හැල හැප්පුනු ජීවිතේ මතක හිටින තැන් කිහිපයක් යුනිකේත  සටහනක් ලෙස ඉදිරිපත් කිරීමට බලාපොරොත්තු වෙන බව කියමි.

ජෙමාගේ භෙ!තික ශරීරය පහුගියාවෙ පරිමාවෙන් වැඩිවූයෙන්, දැන් දැන් දාඩිය දාන මට්ටමේ ක්‍රීඩාවක් ලෙස යෙදිය හැක්කේ කැරම් ගැසීම, ඕමි බැලීම ආදී අති දුෂ්කර පිසිකල් ගේම් වල පමණි. නමුත් ජෙමා ගැටයා කාලයේ ක්‍රිකට් ක්‍රීඩාවට දැඩි ඇල්මක් දැක්වූවකි. ක්‍රිකට් ගැන කතා කරද්දී ජෙමාගේ ඔලුවට එන්නේ ‘‘ජපනිය එලවූ ජෙමාගේ පුල් එක‘‘ සම්බන්ධ කථාවයි. මෙය පාදක වන්නේ එක්දහසිය නවසිය අනූදෙකේදී පමණ ශිෂ්‍යත්ව විභාගයෙන් සමත්ව ගමේ ඉස්කෝලෙන්, ආසන්න නගරබද පිරිමි පාසලකට ජෙමා ඇතුළු වූ සමයයි. හයවසර පන්තියට හාපුරා කියා ඇතුළු වූ ජෙමාගේ ගජයන් වූයේ බඩියා, කල්පයා, සංජයා ඇතුළු කිහිප පොලකි. විවේක කාලය එළඹුණු සැනින් කොල්ලන් දිව යන්නේ ක්‍රිකට් සෙල්ලම් කිරීම ස‍්‍දහා පිටියේ ඉඩක් වෙන් කරවා ගැනීමේ අරමුණිනි. වික්ට්ටුවට පුටු කබලක් හෝ කවුරැත් දන්නා ‘‘මැදින් ගියොත් අවුට් විකට්ටුවක්‘‘ සූදානම් කරගැනීම  ඊළග“ කාර්යයි. බොහෝ විට කණ්ඩායමේ ආරම්භක පිතිකරැවා ලෙස ක්‍රිඩා කරන්නේ ජෙමා සහ රසිකයාය. රසිකයා ද ජෙමා මෙන්ම වමත් පිතිකරැවෙකි. මේ කියන සිද්ධිය සිදුවූ දිනයේ ඩී පන්තියේ සිටින සගයන්ට සුපුරැදු ස්ථානය වන ‘‘වැලිපිට්ටනිය ‘‘ කලින්ම පිරිසක් වෙන් කරගෙන සිටියෙන් ජෙමා ඇතුළු පිරිස ක්‍රිඩා ගාරය අසල ස්ථානයක විකට්ටුව සාදා ක්‍රිඩා කිරීමට සූදානම් විය. ඕවරයකට දෙකක් ගත වූ තැන තැනින් තැන වූ කුඩා කණ්ඩායම් ක්‍රිඩා කිරීම නවතා පසෙකට වී සිටිනු දැකගත හැකි විය. කී%ඩාව අතරතුරම හේතුව විමසා බලන විට දුටුවේ අපූරැ සිදුවිමකි. පාසලේ වොලිබෝල් කණ්ඩායම වම්පස පුහුණු වෙමින් සිටි අතර ඔවුන්ගේ පුහුණුව සදහා පැමිණ සිටියේ ජපන් ජාතික කාන්තාවකි. ඇය සිය පුහුණුවට බාධාවන අයුරින් වරින් වර තමා ලග“ට පැමිණෙන ක්‍රිකට් පන්දු සියල්ල එකතුකරගෙන පසෙක තබාගෙන සිටියාය. මේ හේතුවෙන් ක්‍රීඩා කල බොහෝ කණ්ඩායම් සිය ක්‍රීඩා ව නවතා ඔරවා ගත් මුහුණින් යුතුව බලා සිටියේ අසරණ බවකිනි. පිටියේ ක්‍රීඩා කරමින් සිටියේ ජෙමාගේ කණ්ඩායම සහ තවත් කණ්ඩායම් කිහිපයක් පමණි. එය තුන්වන පන්දුවාරය විය යුතුය. පන්දු යැවූ සගයා අමතක වුවද පාදය පැත්තෙන් පැමිණි පන්දුවට ජෙමා සුපුරැදු පුල් පහර එල්ල කලේ ලකුණු වේගය වැඩි කර ගැනීමේ අටියෙනි. ඉහළින් ඇදීගිය පන්දුව ජපනියගේ දකුණු කම්මුල මත පතිත වූයේ කිසිවෙක් බලාපොරොත්තු නොවූ ආකාරයකිනි. නිහඩව මිනිත්තුවක් පමණ ගත කළ ඇය, පසුව තමා සතු තිබූ සියලු ක්‍රිකට් පන්දු පසෙක දමා විදුලි වේගයෙන් පිට්ටනියේ ගේට්ටුවෙන් පිටතට ගියේ කිසිවෙක් හිතා මතා තමාට පන්දුවකින් දමා ගැසුවේ යැයි උපකල්පනයෙන් විය යුතුය. තැනින් තැන පොඩි පහේ අත්පොලසන් නාදයක් ඇසුන ද ජෙමාට සිදු වූයේ කුමක්ද යැයි හරිහැටි වටහා ගැනීමට පවා කාලයක් නොතිබුනේය. ඉහළ පන්තිවල සහෝදරයන් එකිනෙක ජෙමා අසලට පැමිණ ‘‘මරැ වැඩේ මල්ලි‘‘ ‘‘එල කිරි මල්ලි‘‘ ආදී සුබපැතුම් ඉදිරිපත් කලේ වීර ක්‍රියාවක් කල පුද්ගලකෙු ලෙසිනි. මේ අතර කොහේදෝ සිට ගෝත ශිෂ්‍යනායකයෙක් පැමිණියේය. ඔහු සියල්ල විමසා බලා ජෙමාට පැවසුවේ ‘‘වැඩේ බරපතලයි, සමරවිට ඉස්කෝලෙන් අස්කරයිද දන්නෙ නෑ“ ජෙමාට නව පාසැල යනු සිහින සැබෑ වීමකි. එවන් පාසලකට ඇතුලත් වූ සැනින් ඉවත්ව යාමට සිදුවන්නේ යැයි ඇසූ පමණින් ජෙමා පොඩි එකාට ඇඩුම් ආවේය. ජෙමා හෝ ගා අඩන්නට වූ අතර ජෙමාගේ කල්‍යාණ මිතුරන් පවා සිනහවෙමින් සිටියා විනා වැඩේ ශිෂ්‍යනායක අයියාගේ ජෝගියක් බව පැහැදිලි කරන්නට උත්සුක වුනේ නැත. කෙසේ හෝ පැයකින් දෙකකින් පසුව හිත හදගත් ජෙමා සුපුරැදු ලෙස පසුදාත් ක්‍රිකට් ක්‍රීඩා කළ ද, ජපන් වොලිබෝලි පුහුණුකාරිනිය ඉන්පසු කිසිදිනක පාසල් පිටියේ නම් දුටුවේ නැත.

ජෙමා ගමේ ක්‍රිකට් ක්‍රිඩා කලේ සුරේෂයලාගේ පොල්වත්තේ හෝ ආච්චිගේ ගෙවත්තේය. ජෙමාගේ සමහර ක්‍රික්ට් නීති අයි.සී.සී පොතේවත් සදහන්ව නැති බවනම් ඒකාන්තය. ඉන් කිහිපයක් පහතින් සදහන් කරන්නේ අනාගතයේ අයි.සී.සී නීති රෙගුලාසි වෙනස් කරන දිනෙක මේවාත් සැලකිල්ලට ගනු ඇතැයි යන බලාපොරොත්තුවෙනි.

1. ජෙමාගේ වත්ත සහ රසිකයලාගේ වත්තට ‘උඩින් ගියොත්‘ (උඩින් යෑම වනාහි වත්තට පන්දුව යෑමට පෙර බිම පතිත නොවී ඉහළින්ම ඇදී යෑමයි.) දැවී ගිය ලෙස සලකයි. මෙහිදී සීමාව ලෙස බොහෝ විට සලකන්නේ වැටේ සිටුවා ඇති ක්‍රෝන් ගස් හෝ පැහැදිලිව දැක ගත හැකි නවසි ගස් හෝ පෝල් ගස් යා වෙන රේඛාවයි.

2. ගස් කැච් ඔට්ටුය. (ගස් කැච් යනු අහම්බෙන් පොල් ගසක් හෝ කොස්ගසක් වැනි පිතිකරැගේ හිසට වඩා උස් ගසක රැදුණු හෝ වැදුනු පන්දුවක් පන්දු රකින්නෙකු බිම පතිත වීමට පෙර රැක ගැනීමයි.)

3. එල්.බී.ඩබ්ලිව් කිසි විටෙකවත් දැවීයාමක් ලෙස සලකන්නේ නැත. (හොර අම්පයර් කෙනෙක් සිටියහොත් ලබාදෙන දැවීයාම් පවා විකට් කණු ගලවාගත් වලියකින් පසුව සමථයකට පත් කරගත හැක.)

4. ටිප් කැච් (Edges) වලින් දැවී යාමක් ලබා ගැනීමට නම් බොහෝ විට පැය භාගයක් පමණ වාද කල යුතුය. අවුට් එක දුන්නේ නැතිනම් පන්දු යවන්නේ නැති බවත්, අත දෙන්නේ නැති බවත් සපථ කල යුතුය. (බොහෝ විට මේ ස‍දහා විනාඩි පහළෝවක විස්සක කාලයක් ගතවෙන අතර, දෙවෙනි ඉනිම කී%ඩා කරන කණ්ඩායම පන්දුවට පහර දෙන්නේ නම් ඔවුනට මෙහිදී අවාසියක් සිදුවේ.)

5. සමහර දිනෙක ක්‍රීඩා කරද්දී වේගයෙන් පන්දු යැවීම තහනම්ය, විටෙක පන්දුවට පහර දෙද්දී ආරඣෂාකාරි පහර වල් එල්ල කිරීම දැවී යාමක් ලෙස සලකයි.

මෙකී නොකී හැටහුමාරක් වන නව ක්‍රිකට් නීති රීති මැද සෙනසුරාදා, ඉරිදා දිනවල පාන්දරින්ම ජෙමාගේ ක්‍රිකට් සගයෝ පොල්වත්තට හෝ ආච්චිලාගේ ක්‍රීඩා පිටියට රැස්වෙති. මුලින්ම සිදු වන්නේ පිල් බෙදීමයි. (මෙම පිල් බෙදීම නිසා වසර ගණනාවක් ජෙමා හා ලකියා අතර විරසකයක් පැවති බව ද කිව යුතුය.) පිල් බෙදීමේදී බොහෝ විට පියා හා ලකියා එක් පිලකට එක් වන්නේ සම්ප්‍රදායික විරසකයක් නිසාවෙනි. බොහේ විට ගාමිණියා (හදිසියේ ගමෙන් අතුරැදන් වූ හිත හොද ගාමිණියා පිළිබ‍දව අදටත් හාවක් හූවක් නැත.) හා ජෙමාගේ දයාබර අයියාකාරයා එක පිලකට එක්වේ. ටෙස්ට් තරග ක්‍රිඩා කරන දිනයකදී පැය තුන හතරක් අව්වේ තපිමින් පන්දු යැවීම හා පන්දු රැකීම සතර පෙර නිමිති දැකීමටත් වඩා කලකිරෙන කියාවකි. මෙවන් ටෙස්ට් තරග ක්‍රීඩා කරන බොහෝ අවස්ථාවල ජෙමා ලෑල්ල අල්ලා පැය ගණන් ක්‍රිඩා කිරීමට සූරයෙකි. දිනක් තරගය ආරම්භ වූයේ සෙනසුරාදාවක උදයකදීය. ජෙමාගේ පිලට සිටියේ ක්‍රිඩකයෝ තිදෙනෙකි. විරැද්ධ පාර්ශවයට හතර දෙනෙකි. උදෑසන හතට පමණ ආරම්භ වූ තරගය හැන්දෑවේ හතර පහ වනතුරැත් අවසාන වූයේ නැත. ජෙමා නොදැවී ලකුණු 247 ක් ලබා ගත්තේ ලෝඩ්ස් එකේ සචින් සීයක් ලබාගත්තාක් වැනි පස්වනක් ප්‍රීතියකිනි. හැන්දෑවේ පහ පමණ වන තෙක්ම ජෙමාව දවා ගත්තේ උදේ රැකියාවට ගොස් ආපසු එමින් සිටි කෝසලයා විසින් බව අදටත් ජෙමාට මතකය.

ගමේ ක්‍රිකට් වලදී ජෙමාට හමු වූ සුවිශේෂ චරිත බොහෝමයකි. ඉන් මුලින්ම මතකයට නැගෙන්නේ ප්‍රියන්තයාවය. පියාට ආවේණික සුවිශේෂ ක්‍රිකට් වාග් මාලාවක් තිබිණි. අම්පයර් ඉන්නා විටෙක පන්දු යවන්නෙක් නෝ බෝල් පන්දුවක් යැවුවහොත් පියා හඩ නගා ‘ඕ බෝල්‘ යැයි කියයි. දිනක් නොබෝල් පන්දුවක් කඩුල්ලේ වැදුනු අතර පියා පැය ගණනක් යනතුරැ ‘ඕ බෝල් වලට රිකට් එකේ වැදුනට අවුට් නෑ‘ යනුවෙන් තර්ක කල අයුරැ ජෙමාට මතකයට නැගේ.

අනෙක් පුද්ගලයා ‘පස් කෑල්ලේ රංජි‘ අයියා ලෙස ප්‍රකට ජෙමා දන්නා කාලයේ සිට ක්‍රිකට් ක්‍රීඩා කරන, එසේම ජෙමාගේ හොද හිතවතකු රංජි අයියායි. රංජි අයියා ක්‍රිකට් ක්‍රීඩා කරන්නේ අයි.සී.සී රෑල්ස් අනුවය. පන්දු රකින කණ්ඩායමේ ක්‍රීඩකයන් පිච් එක උඩින් ගමන් කළහොත් රංජි අයියාගෙන් වෝනින් ලැබේ. පන්දු රකින ක්‍රීඩකයන් හදිසි ශාරීරික අවශ්‍යතාවකට හෝ හතරේ සීමාවට එපිටට ගියහොත් යැවූ පන්දුව නිපන්දුවකි. ජෙමා ක්‍රිකට් ක්‍රීඩා කිරීම නවතා දැනට බොහෝ කාලයක් වන අතර, සතලිස් වියැති රංජි අයියා තවමත් පස් කෑල්ලේ ක්‍රිකට් ගසන්නේ දැයි ජෙමා නොදනී.


ජෙමාගේ ක්‍රිකට් පිස්සුව උත්සන්න විමත් සමගම ලෙදර් බෝල ක්‍රිකට් වලට ආසාව වැඩි වූයෙන්, ගෙදරට පෙරරැත්ත කොට පෑඩ් යුගලයක්, අත්වැසුම් දෙකක් සහ ක්‍රිකට් පිත්තක් මිලදී ගත්තේ, අහල පහල උන්ගේ ද සහයෝගය ඇතිවය. ඒ වනවිටත් ජෙමා කිසි දිනෙක හාඩ් බෝල් ක්‍රිකට් ක්‍රීඩා කර තිබුනේ නැත. ආච්චිගේ වත්තේ ටර්ෆ් එකක් සෑදිම ජෙමාගේ යෝජනාවකින් ආරම්භ විය. මුලින්ම අඩියක් පමණ යටට කැපූ දිගු තීරැවක තණ තිල්ල නිර්මාණය වූ අතර, ඒ මත හණ ගෝනි එකිනෙක මසා සාදාගත් අතුරණයක් යොදා ලෙදර් බෝල ක්‍රිකට් ක්‍රීඩා කිරීම ආරම්භ කළේය. අපේ ර්‍ක්‍රඩාව ස‍්හා යොදා ගත්තේ නියම ලෙදර් පන්දුව නොව ‘‘ප්‍රැක්ටිස් බොල් ‘‘ ලෙස ප්‍රකට අර්ධ ලෙදර් පන්දුවයි. මාස දෙක තුනක් යන තුරැම අපේ ක්‍රිකට් නීති රීති අනුව ක්‍රීඩා කළ ජෙමා ඇතුළු පිරිසට හාපුරා කියා මංගල ලෙදර් තරගයකට මුහුණ දීමට සූදානම් කළේ අදටත් ජෙමාගේ කළණ මිතුරකු වන ජයශාන්තයා විසිනි. එහිදී ජෙමා ඇතුළු පිරිසට විශාල ගැටළුවකට මුහුණ පාන්නට සිදුවිය. එනම් තරගය ස‍දහා එකලොස් දෙනෙකු සොයා ගැනිමයි. කෙසේ හෝ අට දෙනෙක් ගෙන් සැදුම් ලත් කණ්ඩායමක් සාදා ගැනීමට සමත් වුවද තවත් තිදෙනෙකු සොයා ගත යුතු විය. එහිදී යෝජනා වූයේ දඣෂ එල්ලේ ක්‍රීඩකයෙකු වන උපුල් අයියා ඇතුළු පෙර පරම්පරාවේ වැඩ්ඩන් තිදෙනෙකු එකතු කර ගැනීමයි. කිසි දිනක ලෙදර් බෝල ක්‍රිකට් ක්‍රීඩා කොට නොතිබුණද කණ්ඩායම සාදා ගැනීම අත්‍යාවශ්‍යකාරණයක් වූ නිසා වැඩි විරැද්ධත්වයකින් තොරව යෝජනාව සම්මත විය.

තරගයේ දිනය උදාවිය. මීරිගම නගර සභා ක්‍රීඩාංගනයේ පැවති තරගයට ආම්පන්න ඔසවා ගත් පුරැදුකාරයන් පිරිසක් පැමිණි අතර ජෙමා ඇතුළු කණ්ඩායම අප සතුවූ පෑඩ් යුගලය, අත්වැසුම් යුගලය හා එහෙන් මෙහෙන් හොයා ගත් ක්‍රිකට් පිති දෙක තුනක් සමග ක්‍රීඩාංගනයට පිවිසෙන විට ප්‍රතිවිරැද්ධ ක්‍රිඩකයන්ගේ මුවෙහි සරදම් සිනාවක් ද දක්නට තිබෙනු ජෙමාට දැක ගත හැකි විය. පළමු ඉනිම ක්‍රීඩා කළ මීරිගම ක්‍රීඩකායෝ ඕවර තිහකට ලකුණු තුන්සියයකට ආසන්න ප්‍රමාණයක් ලබා ගත්තේය. හයියෙන දාන්න බැරි යැයි කියමින් ලෙදර් ගැසූ ජෙමාගේ ගජයන් නියමිත තැනකට පන්දු යවා ගැනීමට නොහැකිව අසරණ වෙද්දී පිළිමලුන් අහල පහළ ගෙවල් වල උලු ගැළවෙන්ට හයේ පහරවල් පැලුවේය. තරගයේ රැකගත් එකම උඩ පන්දුව රැක ගත්තේ අප පසුව එක් කරගත් උපුල් අයියා විසිනි. මෙහිදී සිදුවූ එක්තරා සිදුවීමක් ජෙමාට කිසිදින අමතක නොවන්නේ එයට අදාල මිතුරා අදටත් දිනපතා හමුවන බැවැනි. ඉහත කී තරගයේ ජෙමාගෙ කණ්ඩායමේ පන්දුවට පරහදීමේ අවස්ථාව උදාවිය. ක්‍රිඩකයන් එකිනෙකා දැවී යද්දී කළමනාකරණය කරගත නොහැකි වූ අපහසුම කාර්යය වූයේ පළදින ආම්පන්න හුවමාරැ කරගැනීමයි. එක් අයෙකු දැවී ගිය විට ඊළග ක්‍රිඩකයාට පන්දුව පහර දීමට යෑමට විනාඩි පහළවක පමණ කාලයක් ගත වෙන්නේ ඔහු විසින් දැවී ගිය ක්‍රිඩකයාගේ පෑඩ් යුගල, අත්වැසුම් ආදී සියල්ල ගලවා පැලද ගත යුතුවීමයි. මෙහිදී බෝල්ගාඩ් හුවමාරැව තරමක උණුසුම් කතාබහ සමග සිදුවිය. මන්ද යත් වරින් වර පන්දුවට පහර දෙන ක්‍රිඩකයන් බෝල්ගාඩ් එක යට ඇදුමට පිටින් හා ඇතුලතින් හැද සිටීමයි. පන්දුවට පහරදීමට යාමට සිටි උපුල් අයියා ‘‘මේකෙ මයිලුත් තියෙනව බං, මටනං බෑ මේක දාන්න‘‘ යැයි කියමින් බෝල්ගාඩ් නොමැතිවම නිර්භීතව පිටියට ගියේ, ඉන් පෙර පන්දුවට පහර දුන් මිතුරාට උන් හිටි තැන් අමතක වන අන්දමේ ජාතිය ඇමතීමක් ද සිදු කිරීමෙන් අනතුරැවය.

---------------------------------------------------------------------------------
ප.ලි.

මෙවන් පොස්ටුවක් දැමීමට මා උනන්දු කළ සිරා සහෝදරයාට ස්තුතිවන්ත වන අතරම, මෙහි සදහන් සියළු නම් සදහන් සියල්ලෝම පාහේ ජෙමාගේ අදටත් හොදම මිතුරන් වන අතරම ඔවුන්ව හෙලා දැකීමක් හෝ අපහාසයක් සිදු කිරීමේ අරමුණින් පොස්ටුව ඔවුන්ගේ නම් එක නොකළ බව එක හෙළාම කිව යුත්‍රය.




Sunday, October 20, 2013

ජෙමාව ලඟින් ඇසුරු කරන අය දන්නා කාරණයක් තමාජෙමා පිච්චර් පිස්සෙක්’ බව. අහුවෙන  ඕනෑම චිත්තර පටියක් බලන්න පුරුදු වෙලා හිටපු ජෙමාට මෑතක පටන් කාලය කළමණාකරණය කරන්න සිද්ධ වුනා. ඒ හින්දම හොඳයි කියල හිතෙන ෆිල්ම් එකක් ලැබුණොත් ඇරෙන්න දැන් චිත්තර පටි බැලිල්ල පොඞ්ඩකට නවත්තලයි තියෙන්නෙ. නමුත් ජෙමා දහ පාරක් විතර බලපු බොහොම අපූරු ෆිල්ම් එකක් ගැන කොහේ හෝ තැනෙක ජෙමාට දැනෙන හැටි ලියල තියන්න වුවමනාවක් කාලෙක ඉදන් තිබුනා. කවුරු හරි ඇහුවොත් මූට මඤ්ඤංද ෆිල්ම් එකක් දහ පාරක් බලන්න කියලදෙන්න තියෙන උත්තරේ තමයි. මම චිත්තර පටි කලාව ගැන හොයද්දි මුණගැසුනු එක්තරා ගුරුවරයෙක් Lord of the rings ෆිල්ම් සෙට් එක තිස් වතාවක් විතර නරඹල තිබුණ. ඒ ඔහුට එහි තාක්‍ෂණික කාරණා ගැන අවබෝධයක් ගන්න. ඒක නිසා ඇයි උඹ දහ පාරක් බැලූවෙ කියල අහන්න කලින්එක පාරක් බලල ඉඳපල්ලා යයි මෙය කියවන සිනමා රසිකයන්ගෙන් ඉල්ලන්න කැමතියි.
ජෙමා කථා කරන ෆිල්ම් එක තමයි ස්ටීවන් ස්පිල්බර්ග් අධ්‍යක්‍ෂණය කරපු Schindler's List (ෂ්ලින්ඩර්ගේ ලැයිස්තුව* කියන විශිෂ්ඨ නිර්මාණය. මෙය විශිෂ්ඨ වෙන්නෙ එය ස්පිල්බර්ග් හදපු නිසාවත් එයට වැය කරපු නිෂ්පාදන පිරිවැයවත්ස්පිල්බර්ග් විසින් කරපු බොහෝ නිර්මාණවල වගේ තිබෙන දෘශ්‍ය ප‍්‍රයෝග නිසාවත් නෙමෙයි. ෆිල්ම් එකේ අන්තර්ගතය හා එය පේ‍්‍රක්‍ෂකයා වෙත ඉදිරිපත් කර ඇති  අපූර්ව ක‍්‍රමවේදය නිසා පමණයි.
Schindler's List කළු සුදු වර්ගයේ චිත‍්‍රපටියක්මේක හැදෙන්නෙ 1993 වර්ෂයේචිත‍්‍රපටියට පසුබිම් වෙන්නෙ දෙවෙනි ලෝක යුධ සමයේ පෝලන්ත යුදෙව්වන් පිරිසක් සහ ජර්මානු ව්‍යාපාරිකයෙක් වන ඔස්කා ශ්ලින්ඞ්ලර් නම් (Oskar Schindler) වටා ගෙතුණු කථා පුවතක්. 1939 දී පෝලන්තය ආක‍්‍රමණය කරන ජර්මානුවන් පෝලන්ත යුදෙව්වන්ව ක‍්‍රකෝව් යුදෙව් ජනවාසය (Krakow Ghetto) වෙත පිටත් කර හරිනව. මේ අවස්ථාවෙන් ප‍්‍රයෝජන ගන්න හිතාගෙන තමයි ෆිල්ම් එකේ කථානායකයා වන ඔස්කා ශ්ලින්ඞ්ලර් මෙම යුදෙව් ජනාවාසය වෙත පැමිණෙන්නෙ. ඔහුගේ බලාපොරොත්තු තමයි ලාභ ශ‍්‍රමය උපයෝගී කරගෙන යුද සන්නාහ සාදන කර්මාන්ත ශාලාවක් ආරම්භ කිරීම. ෂ්ලින්ඩල්ර්ට මෙවැනි කර්මාන්ත ශාලාවක් නඩත්තුව හෝ එයට අවශ්‍ය ශ‍්‍රමිකයන් හෝ ප‍්‍රාග්ධනය සොයාගැනීම පිළිබඳ කිසිම අවබෝධයක් ඇත්තේ නැහැ. එහෙත් ඔහුට තිබෙන ඉහළ පන්තියේ එස්.එස්. නිලධාරීන්ගේ දැන හැඳුනුම්කම මත ඔහු කර්මාන්ත ශාලාව ඇරඹීමට සූදානම් වෙනවා. ඔහුට මෙහිදී උදව්වට එන්නෙ ක‍්‍රකෝව් ජූරි කවුන්සිලයේ නිලධාරියෙක් වන ඉට්සාක් ස්ටර්න් නම් තවත් යුදෙව්වෙක්. ඔහුට යුදෙව් ව්‍යාපාරිකයන් මෙන්ම යුදෙව් කළුකඩකරුවන් සමගද විවිධ සම්බන්ධතා තිබෙනව. ඒ නිසාවෙන්ම ශ්ලිනඞ්ලර්ට පුළුවන් වෙනව යුදෙව් ව්‍යාපාරිකයන්ව කැමති කරවාගන්න තමන්ගෙ කර්මානතශාලාව ආරම්භ කරන්න ප‍්‍රාග්ධනය යොදවන්න. ඔවුන්ට තම නිෂ්පාදනයෙන් කොටසක් ලැබෙන ආකාරයට වාචික ගිවිසුමකට එළැඹෙන ෂ්ලින්ඞ්ලර් ශ‍්‍රමිකයන් සෙවීමේ වගකීම ස්ටර්න්ට පවරනවා. චිත‍්‍රපටය ආරම්භයේදී අපේ ඇස යන්නෙ ශ්ලින්ඞ්ලර්ට වඩා ස්ටර්න් දිහාවට. ස්ටර්න් තමන්ට පැවරුණු ශ‍්‍රමිකයින් සෙවීමේ වගකීම අකුරටම ඉෂ්ට කරනව. ඔහු ශ්ලින්ඞ්ලර්ට පැහැදිලි කරනවකතෝලික පෝලන්ත ජාතිකයන්ට වඩායුදෙව් පෝලන්ත ජාතිකයන්ට වැයවන වියදම අඩුබවඑසේම කිසිම වේතනයක් ගෙවීමකින් තොරව ඔවුන්ව සේවයට යොදවා ගත හැකි බව. මෙහිදී ස්ටර්න්ගෙ යටි අදහස වෙන්නෙ යුදෙව් ජනාවාස වලට ගාල්කොට හෝ මරාදමන යුදෙව්වන් හැකි පමණ ඉන් බේරා ගැනීමයි. මෙහිදී ස්ටර්න් ව්‍යාජ ලියකියවිලි යොදා ගෙන හැකි පමණ කර්මාන්ත ශාලාවේ සේවයට යොදවනව. මෙහිදී අත්‍යාවශ්‍ය කාරණය වන්නේ ඔවුන් යුද්ධයට ‘‘අත්‍යාවශ්‍ය’’ බව සහතික කරන ලියවිල්ලක් ලබා ගැනීමයි. වරෙක ඉතිහාසය උගන්වන ගුරුවරයෙක්ලේඛකයෙක් ආදී යුදෙව්වන් බොහෝ දෙනෙක්ම පාහේ දක්‍ෂ ලෝහ පිරිමදිිනන් ලෙස සැලකෙන ව්‍යාජ ලිපි ලේඛන මගින් කර්මාන්ත ශාලාවට එක්වෙනව. මේ අතර එක් අතක් අහිමි ලොවෙන්මස්ටයින් නම් මහල්ලෙක් පවා කර්මාන්ත ශාලාවට එක් කරගන්නෙ ශ්ලින්ඞ්ලර්ගේ දැනීමකින් තොරව.
චිත‍්‍රපටයේ බොහොම දැනෙන තැනක් තමයියුදෙව් ජනාවාසයට ගාල් කරන යුදෙව්වන්ගෙ ගමන් මළු එකතු කරන දර්ශනයදර්ශනය ආරම්භයේ දුම්රිය පොලකින් යුදෙව්වන් ලැයිස්තුගත කොට දුම්රියට නංවනවපසුබිමෙන් ඇහෙන්නෙ ‘‘ඔබත් සමඟ ඔබගේ ගමන් මළු ගෙන එන්න එපාඒවා පසුව ඔබ වෙත ලැබෙයි. ගමන් මල්ලේ ඔබගේ නම පැහැදිලිව සඳහන් කරන්න’’ යැයි නිවේදනය කරන නාසි භටයකුගේ කටහඩක්. පසුව මෙම දර්ශනය ෙඡ්දනය වෙන්නෙ ගමන් මළු සියල්ලෙන් වටිනා කියන දෑ වෙන් කරන ස්ථානයකටඑහි රන් කරුවන්දියමන්ති වෙන් කරන්නන් වැනි බොහෝ පිරිසක් ගමන් මළු වලින් වටිනා කියන දෑ වෙන් කරනව. මෙහි එක් පසෙක යුදෙව්වන් සතුව තිබූ සිය සමීපතයන්ගේ ඡුායාරූප වෙනමම ගොඩ ගසා තිබෙනවමෙය සංකේතාත්මකව කිපයා පාන්නේ යුදෙව්වන්ගෙ දෛවයමෙම දර්ශනය අවසානයෙ කිසිවෙක් රන් ඈඳුණු මිනිස් දත් පැසක් රන් වෙන් කරන්නෙක් ඉදිරියේ විවෘත කරනව ඔහු මේ දෙස ඉතා සංවේදීව බලා සිටින ආකාරය ඉදිරිපත් කර ඇති අයුරු පැසසිය යුතුයි.
චිත‍්‍රපටයේ දෙවන භාගයඑහෙම නැත්නම් කථාවේ හැරවුම (Twist) ආරම්භ වන්නේ එස්.එස්. ලූතිනන් ආමොන් ගොඑත්ගේ ආගමනය සමඟ. ඔහු පැමිණෙන්නෙ ගොඩනැගෙන දේශපාලන සිරකරුවන් සඳහා වන බන්ධනාගාරයක කටයුතු නිරීක්‍ෂනයට. ගොඑත් යනු චිත‍්‍රපටයේ නාසි නියෝජනයයි. ඔහු ක‍්‍රකෝව් වෙත පැමිණි සැනින් බන්ධනාගාරය ගොඩනගනා යුදෙව් ඉන්ජිනේරුවරිය වෙඩි තබා මරා දමනවකිසිම හේතුවක් නොමැතිවඇය යුදෙව්වෙකු වීම පමණක් නිසාවම.
පසුව 1943 මාර්තු මාසයේ දිනෙක ක‍්‍රකොව් යුදෙව් ජනාවාසය එස්.එස් නිලධාරීන් එහිදී සහයෝගය නොදෙනවයසට ගියරෝගී වුණු ගැහැණු පිරිමි සියළු දෙනා මරා දමනව. ස්පිල්බර්ග් මෙහිදී සිය ප‍්‍රතිභාව පෙන්වන්නෙ අනූවදශකය වනවිටත් බොහෝ විට සිනමාකරණයේදී යොදා නොගත් හෑන්ඞ්හෙල්ඞ් කැමරා භාවිතයෙන්කැමරාකරුගේ උරෙහි ?ඳවූ කැමරාව යුදෙව් සමූලඝාතනයේ තැන තැනටවිවිධ සිද්ධීන්වලට ගෙනගොස් එය පේ‍්‍රක්‍ෂකයාට බොහොම අපූරුවට ලං කරන්න ඔහු සමත් වෙනව. පසුකාලයේදී ස්පිල්බර්ග් විසින්ම නිර්මාණය කල Saving Private Ryan චිත‍්‍රපටයේ වෙරළේ අවි ගැටුමක් රූගත කිරීම සඳහාත්මේ ආකාරයටම හෑන්ඞ් හෙල්ඞ් කැමරා භාවිතා කර ඇති අයුරු පේ‍්‍රක්‍ෂක බොහෝ දෙනා දන්නා කරුණක්.
ෂ්ලිනඞ්ලර්ගේ ලැයිස්තුව චිත‍්‍රපටයේ අතිශය ජනපි‍්‍රයත්වයට සහ කථාබහට ලක්වූ ‘‘රතු ලෝගුව හැඳි දැරිය’’ හමුවන්නේ මෙම සමූලඝාතනය අතරතුරදීය. අසෙකු පිට නැගුනු ෂ්ලින්ඞ්ලර් ක‍්‍රාකොව් ජනාවාසය හිස් කරන ආකාරය උස් තැනක හිඳ බලා සිටිනව. ඒ අතර කළු සුදු චිත‍්‍රපටයේ එකම වර්ණ ගැන්වූ චරිතය වන රතු ලෝගුවක හැදි දැරියක් මේ ඝාතකයන් හා ඝාතනයන් මැදින් නිරුපද්‍රිතව ගමන් කරන ආකාරය ඔහු මහත් වුවමනාවෙන් බලා සිටිනව. මෙම රතු ලෝගුව හැදි දැරිය චිත‍්‍රපටයට එක් කිරීම පිටුපස සැඟවුණු කාරණා බොහෝමයක් තිබෙනව. ස්පිල්බර්ග් චිත‍්‍රපටය රූ ගත කරන අවදියේ නොදැන සිටියත්රතු ලෝගුවක් හැදි රෝමා ලිගෝකා නම් දැරියක් සත්‍ය ක‍්‍රකෝව් ජනාවාසයේ සිටි බවත් ඇයමෙම ඝාතනයන්ගෙන් බේරී පසුව සිය අත්දැකීම් අලලා රතු ලෝගුව හැදි දැරිය නමින් කෘතියක් රචනා කළ බවත් කියැවෙනව. එසේම ස්පිල්බර්ග් සඳහන් කරන්නෙ මෙම දැරිය හඳුන්වාදීම පිළිබඳව වෙනම අදහසක්.
‘‘ඇමෙරිකාව,රුසියාව සහ එංගලන්තය යන සියළු රටවල් මෙම සමූළ ඝාතනයන් සිදුවන ආකාරය හොඳින් දැන සිටියා. එහෙත් අප කිසිවක් කළේ නැහැ. අපි අපේ කිසිම හමුදාවක් යෙදෙව්වෙ නැහැ මේ මරණය සඳහා වන ගමන නවත්වන්න අවශ්‍ය අවස්ථාවෙදි. එය විශාල රතු රුධිර පැල්ලමක්. අපි හැමෝම දැක්ක රතු පැහැය නමුත් කිසිවෙකු කිසිවෙක් කළේ නැහැ ඒ පිළිබඳව. ඒ නිසාම තමයි රතු පැහැය ගෙනෙන්න වුවමනා වුනේ මට’’

මෙහි එන ඇඟ කිලිපොලා යන සිදුවීමක් වෙන්නෙ උදෑසන අවදිවන ගොඑත් තම මන්දිරයේ සඳළුතලයේ සිට මිනිස් දඩයමේ යෙදෙන දර්ශනය. ස්පනයිපර් තුවක්කුවක් අතට ගන්නා ගොඑත් කිසියම් කටයුත්තක යෙදී වෙහෙස නිවන සෑම යුදෙව්වකුටම වෙඩි තබනව. මෙම දර්ශනය ඉදිරිපත් කොට ඇති ආකාරයට විටෙක සිතෙන්නෙ මෙය ඔහුට සුපුරුදු කි‍්‍රයාවක් බව.
ෂ්ලින්ඞ්ලර් මේ සිදුවීමෙන් පසුව ගොඑත්ව එකඟ කරගන්නව තමන්ගේ කර්මාන්තශාලා සේවකයින් සඳහා වන උප කඳවුරක් තනාගන්න. මේ සඳහා ගොඑත් සහ එස්.එස්. නිලධාරීන්ට සුපුරුදු පරිදි අල්ලස් දීමක් සිදුකෙරෙනව. මෙහිදී ෂ්ලින්ඞ්ලර් උත්සාහ කරනවකර්මාන්තශාලාව බාධාවකින් තොරව පවත්වාගෙන යන අතරතුරම යුදෙව්වන් හැකි පමණ ආරක්‍ෂා කරන්නට. ලෙවටෝර් නම් අසව් සාදන්නාකුකුළු සොරකමේදී ඥානාන්විතව කි‍්‍රයා කරන දරුවාපර්ල්මෑන් යුවල ඉන්් කිහිප දෙනෙක්.
මේ අතර ගොඑත් හා ෂ්ලින්ඞ්ලර් සඳළුතලයේ සිට සිදු කරනු ලබන චිත‍්‍රපටයේ වැදගත්ම ලෙස සැලකිය හැකි සංවාදය සිදුවෙනවා. මෙහිදී ෂ්ලින්ඩල්ර් ගොඑත්ට පවසන්නේ ‘‘බලය යනු මරාදැමීම නොවඅප සතුව මරා දැමීමට සුදුසු සියළු යුක්ති සහගත කාරණා තිබියදීමත් මරා නොදැමීමයි’’ යන්නයි. ගොඑත් මේ පිළිබඳ තවදුරටත් ප‍්‍රශ්න කරනව. එවිට ෂ්ලින්ඞ්ලර් පැහැදිලි කරන්නේ ‘‘සියළු අධිරාජ්‍යයන් සතුව පැවතුණේ එවැන්නක්. කිසියම් මිනිසෙක් යමක් සොරකම් කොට අධිරාජ්‍යයයා හමුවට ගෙන එනව. එවිට ඒ මිනිසා බිම වැතිර සමාව අයදිනව. එවිට අධිරාජ්‍යයා ඔහුට සමාව දෙනව. මේ කිසිම වැදගම්මකට නැති මිනිහව ඔහු නිදහස් කරනව. එයයි බලය..ආමොන්..එය තමයි බලය’’ මේ සංවාදය ගොඑත්ට කෙතරම් බලපානවා යැයිද කිවහොත් පසුදා උදෑසන සිට ගොඑත් වෙනස්ම මිනිසෙකු බවට පත්වෙනව. ඔහු තමන්ගෙ සෑදලය නොසැලිකිල්ලෙන් බිම දැමූ කොළුවාටවැඩ කරන අතරතුරේ දුම් බොමින් සිටි යුදෙව් කාන්තාවට වැන්නවුන්ට සමාව දෙනවඅවසානයේ තමන්ගේ නාන කාමරයේ තිබූ කුණු පැල්ලම් ඉවත් කිරීම අතපසු වූ ලීෂෙක් නම් යුදෙව් කොළුවාවද ‘‘මම නුඹට සමාව දෙනවා (I pardon you) යනුවෙන් පවසමින් දඩුවම් නොකර සිටිනවා. නමුත් ඒ සුළු වේලාවකට පමණයි. අවසානයේ ඔහු නාන කාමරයේ පැල්ලම් ඉවත් නොකල කොළුවාට වෙඩි තබා මරා දමනව.
යුදෙව් ගෙටොවේ රඳවා සිටින කාන්තාවන් අතර ඇතිවන සංවාදය ද සුවිශේෂයි. එහිදී තට්ටු ඇඳක සිටින කාන්තාවක් පවසන්නේ ‘‘දුම්රිය එනවලූඒවායෙන් මිනිස්සුන්ව මුගුරු වලින් පහරදීල එලියට ගන්නව. ඔවුන්ව විශාල රැුඳවුම් කඳවුරු දෙකක් ඉදිරියට ගෙනැවිත් පෙළ ගස්සනව. එහි එක් කඳවුරක් ‘‘ලෝගු කාමරය’’ නමිනුත් අනෙක් ‘‘වටිනා කියන දෑ’’ යනුවෙනුත් සටහන් කරල තියෙනව. එහිදී ඔවුන්ව නිරුවත් කරනව. යුදෙව් කොළුවෙක් ඇවිත් ඔවුන්ට ලණු කෑල්ලක් දෙනව සපත්තු ගැට ගසන්නට. ඔවුන්ගේ හිස මුඩු කරනව. පසුව ඔවුන්ව විශාල කොරිඩෝවන් දිගේ ඬේවිඞ් තාරකාවන් සටහන් කර ඇති දොරවල් සහිත කාමරයකට ගෙනියනව. එහි ඇතුලත ‘‘ස්නානය හා හුස්ම ගැනීමේ කාමරය’’ නමින් සටහන් කර ඇති පුවරුවක් තියෙනව. පසුව එස්.එස්. නිලධාරීන් ඔවුන්ට සබන් ලබා දෙනව. ඔවුන් කියනව හැමෝම හොඳට හුස්ම ගන්න. එය ආසාධිත වීම අඩු කරන්න හොඳ ක‍්‍රමයක් කියල. ඉන් පස්සෙ ඔවුන්ව ගෑස් යොදා මරා දමනව’’

පසුව 1944 අපි‍්‍රයෙල් මාසයේ දිනක ක‍්‍රකෝව් සහ ප්ලසෝව් හි මරා දැමුණු යුදෙව්වන් දස දහසකගේ පමණ සිරුරු පුළුස්සා දමනව. චිත‍්‍රපටයේ සංවේදීම දර්ශනය ලෙස මෙය හඳුන්වන්න පුළුවන්. අත් කරත්ත පිරවූ මළ සිරුරුකුරිරු අන්දමින් සිනාසෙමින් මළ සිරුරු වලට පවා වෙඩි තබා නාසි නිලධාරීන්හිම වැටෙන්නාක් වැනි පිළිස්සුණු අළුඑසේම මේ සියල්ල දෙස සංවේදීව බලා සිටින ෂ්ලින්ඞ්ලර් ආදිය යොදාගෙන ස්පිල්බර්ග් විසින් චිත‍්‍රපටයේ උච්චතම අවස්ථාව නිර්මාණයට උත්සාහ කර තිබෙනව. මේ සිරුරු අතරේ රතු ලෝගුව හැඳි දැරියගේ සිරුරත් අත් කරත්තයකින් රැුගෙන යනව. මෙය දකින ෂ්ලින්ඩල්ර්ගේ මුහුණේ ඉරියව් වෙනස්වන ආකාරයත්හදවත දවාගෙන යන බැල්මත් මෙය නැරඹු කිසිවෙකුට අමතක නොවන්නක්.
චිත‍්‍රපටයේ දෙවන භාගය ආරම්භ වන්නේ ගොඑත්ට ලැබුණු අණ පරිදි ක‍්‍රකෝව් ගෙටෝව හිස් කොට ඉතිරි යුදෙව්වන් ඔක්විට්ස වෙත පටවා යැවීමේ සූදානමත් සමඟ. ෂ්ලින්ඩලර් තම හිතවතා වන ස්ටර්න්ට සමු දීපුද්ගලයෙකුට ජීවිත කාලය තුල වැය කළ නොහැකි තරමේ මුදල් ප‍්‍රමාණයක් අසුරා ඇති ඇසුරුම් බෑග සහිතව ක‍්‍රකෝව් වෙතින් ඉවත්ව යාමට සූදානම් වෙනව. නමුත් ඒ සියල්ල නවතන ෂ්ලින්ඞ්ලර් තම උපන් ගමෙහි ආරම්භ කරන කර්මාන්ත ශාලාවක් කරාසිය පුහුණු ශ‍්‍රමිකයන් සියල්ල ගෙන යාමට ගොඑත්ගෙන් අවසර ඉල්ලා සිටිනවා. දිගු සංවාදයකින් පසු ගොඑත් එක් යුදෙව් ශ‍්‍රමිකයෙකුට අති විශාල මුදලක් ඉල්ලා සිටිමින් ෂ්ලින්ඩල්ර් වෙත යුදෙව්වන් රැුගෙන යාමට අවසර දෙනව. චිත‍්‍රපටයේ තේමාව වන ‘‘ෂ්ලින්ඞ්ලර් ගේ ලැයිස්තුව’’ නිර්මාණය වෙන්නෙ මේ අතර තුරයි. ඔස්කා ෂ්ලින්ඩල්ර් සහ ස්ටර්න් එකතුව දවල් නොබලා ලැයිස්තුව සකස් කරනව. ස්ටර්න් ලැයිස්තුව සාදා අවසන් කොට ෂ්ලින්ඞ්ලර්ට පවසන්නේ ‘‘ලැයිස්තුව කියන්නේ ජීවිතලැයිස්තු වටේ තිබෙන ඉඩ කියන්නෙ ගල්ෆ් තීරය’’ යනුවෙන්.
චිත‍්‍රපටයේ අවසන් භාගය ආරම්භ වෙන්නෙ ෂ්ලින්ඞ්ලර් විසින් ඔහුගේ උපන් ගම වන බි‍්‍රන්ලිට්ස් වෙත සිය ශ‍්‍රමිකයන් පිළිගැනීමේ දර්ශනයකින්. මේ අතර ප්ලසෝව් සිට ෂ්ලින්ඞ්ලර්ගේ ශ‍්‍රමිකයන් වන කාන්තාවන් රැුගත් දුම්රිය වැරදීමකින් ඔස්ක්විට්ස් වෙත ගෙන යනු ලබනව. එහිදී ඔවුන්ට ඔවුන්ගේ මිතුරියක විසින් රාතී‍්‍ර කාලයේදී පැවසූ ආකාරයටම ඔවුන්ගේ හිස මුඩු කොටනිරුවත් කොට කාමරයකට ගාල් කරනව. එතෙක් තම මිතුරිය විසින් පැවසූ ආකාරයට ගෑස් කාමර ගැන විශ්වාස නොකළ අය පවා මෙහිදී තමන්ගේ අවසානය ලඟා වූ බව විශ්වාස කරනව. නමුත් අවසාන මොහොතේ ඔස්ක්විට්ස කරා පැමිණෙන ෂ්ලින්ඩල්ර් එස්.එස්. නිලධාරීන්ට අල්ලස් ලබා දී සියළු කාන්තාවන් නිදහස් කර ගන්නව. මෙහිදී පැවසිය යුතු විශේෂම කාරණය නම් ෂ්ලින්ඞ්ල්ර් විසින් නිරුවත චිත‍්‍රපටයේ අත්‍යාඅවශ්‍යම අවස්ථා වලදී යොදා ඇති අන්දමයි. නිරුවත් කාන්තාවක් යනු සෙක්ස් සිම්බල් එකක් පමණකැයි විශ්වාස කරන්නවුන් ඉදිරියේ කාන්තාවන් සියයක් පමණ එකවර නිරුවත් කරන ස්පිල්බර්ග් ප්‍රේක්‍ෂකයා තුළ ඇති කරන්නේ අපමණ කම්පනයක්.
ෂ්ලින්ඞ්ලර්ගේ නව කර්මාන්ත ශාලාව තුල හිතු මතයේ යුදෙව්වන් මරා දැමීම ඔහු තහනම් කරනවඑසේම සිකුරාදා දිනයන්හි සබත් ඇදහීම පවා යුදෙව්වන් විසින් සිදු කරනව. ඔහුගේ කර්මාන්ත ශාලාවේ යුද්ධය සඳහා අවශ්‍ය ශෙල් උණ්ඩ සාදන බව පැවසුවත්ෂ්ලින්ඞ්ල්ර් විසින් නිපදවූ කිසිම ශෙල් උණ්ඩයක් යුද්ධය සඳහා පාවිච්චි වෙන්නේ නැහැ. ඔහු මාස හතක් පුරා එස්.එස්. නිලධාරීන්ට අල්ලස් දෙමින් යුදෙව්වන් ආරක්‍ෂා කරනව.
අවසානයේ මිතුරු හමුදාවන් ඉදිරියේ කොන්දේසි විරහිතව ජර්මානුවන් සිය අවි පසෙක දමා යටත් වෙන බව ගුවන් විදුලියෙන් යුදෙව්වන් අසා සිටිනව. ඔහු සිය අවසාන කථාවේ සඳහන් කර සිටින්නේ ‘‘ඔබ ආරක්‍ෂා කිරීම පිළිබඳව බොහෝ අය පැමිණ මට ස්තුති කළානමුත් ඔබලා තමන්ටම ස්තුති කර ගත යුතුයි.’’ නාසි නිලධාරියෙකු සහ වහල් සේවයේ යෙදවීම වැනි කාරණා නිසා තමන්ව අත්අඩංගුවට ගත හැකි නිසා ෂ්ලින්ඞ්ලර් සිය යුදෙව්වන්ට සමු දෙන්නට තීරණය කරනව. එහිදී ඉදිරියට පැමිණෙන යුදෙව් සේවකයෙකු ඔවුන් විසින් කරුණු පැහැදිලි කරමින් ලිපියක් ලියූ බවත්එය සියලූම සේවකයින් විසින් අත්සන් කර ඇති බවත් පවසනව. චිත‍්‍රපටයේ සුවිශේෂම මොහොත වන යුදෙව්වන් විසින් සකස් කළ මුද්දක් ෂ්ලින්ඞ්ලර් වෙත පිරිනැමීම මෙහදී සිදුවෙනව. එහි ‘‘එකෙකුගේ ජීවිතය ආරක්‍ෂා කරන්නා. මුළු ලෝකයේම ජීවිත ආරක්‍ෂා කරයි ‘‘ යනුවෙන් සඳහන් කොට තිබෙනව. මෙහිදී ඉතා සංවේදීව හඬා වැලපෙමින් ෂ්ලින්ඞ්ලර් කියන්නෙ ‘‘මම මගෙ වාහනය විකුණුව නම් තව දස දෙනෙක් බේරා ගන්න තිබුණා. නැත්නම් මේ රත්තරන් පින් එක විකුණුවා නම් අඩුගානේ තව එක ජීවිතයක් බේරා ගන්න තිබුණා ස්ටර්න්..තව එක ජීවිතයක්’’

චිත‍්‍රපටය අවසාන වෙන්නෙ ෂ්ලින්ඞ්ලර්ගේ යුදෙව්වන් දිගු පෝළිමක් ලෙස නගරය කරා ඇවිද යන දර්ශනයකින්පෝලන්තයේ අදටත් ඉතුරුවී සිටින ෂ්ලින්ඞ්ලර් යුදෙව්වන් පිරිසගේ සත්‍ය දර්ශනයකට මෙය ෙඡ්දනය වෙනව. ෂ්ලින්ඩල්ර්ගේ සැබෑ සොහොන වෙත පැමිණෙන් ෂ්ලින්ඞ්ලර් යුදෙව්වන් සිය ප‍්‍රණාමය ඔහුට පුද කරමින් චිත‍්‍රපටය අවසාන වෙනව.
ඉතා දීර්ඝව විස්තර කරමින් මෙසේ ෂ්ලින්ඞ්ලර්ගේ ලැයිස්තුව ප‍්‍රකාශ කළේතව එක් සිනමා රසිකයෙකු හෝ ෂ්ලින්ඞ්ලර්ගේ ලැයිස්තුව නරඹාවි යන අටියෙනි. ස්පිල්බර්ග් විසින් කළ හොඳම නිර්මාණය ලෙස සැලකෙන මෙහි කිසිම කේ‍්‍රන් ෂොට් එකක් නැතකළුසුදු රූගත කිරීමේදී ස්පිල්බර්ග් විසින් සුවිශේෂ ලෙස පසුබිම් හා චරිත වල ඇඳුම් සකස් කළ බවත්මෙහි යොදා ගත් සංගීතය අදටත් සිනමා ඉතිහාසයේ විශිෂ්ඨ පසුබිම් සංගීතයන්ගෙන් එකක් ලෙසටත් සැළකේ. එසේම චිත‍්‍රපටය රූගත කිරීමේදී බොහෝ විට යොදා ගන්නා කථා පුවරු (Story Board) යොදා නොගෙන වාර්තා චිත‍්‍රපටයක් රූගත කරන ආකාරයටසිදුවීම් වලට ගලා යාමට ඉඩ දෙමින් බාහිර පුද්ගලයෙකුගේ ඇසින් රූගත කළ බව හෙතෙම පවසයි.

ස්ටීවන් ස්පිල්බර්ග් යනු කාලය තරණය කල පුද්ගලයෙකු යැයි පැවසීම සාධාරණය. (Beyond his time) වසර 1993 නිර්මාණය කළ මෙම චිත‍්‍රපටය තවත් වසර විස්සකින් නැරඹුවදඑය නිර්මාණය කළ කාලය නිර්ණය කල නොහැකි තරමේ විශිෂ්ඨ නිර්මාණයකි. එබැවින් හොලිවුඞ් සිනමාවේ විශිෂ්ඨයන් අතර විශිෂ්ඨයෙක් ලෙස ස්ටීවන් ස්පිල්බර්ග් නම් සිනමාකරුවා ඉතිහාසගත වනු නොඅනුමානය.
------------------------------------------------------------------------------------------------------------------------------
බලන්න කැමති අයට ටොරන්ට් ලින්කුවක්-
http://kickass.to/schindler-s-list-1993-1080p-brrip-x264-yify-t7381892.html
Related Posts Plugin for WordPress, Blogger...